ranil wickramasinghe: சஜித்துக்கு நோ சொன்ன கோத்தபய… இலங்கையின் புதிய பிரதமரானார் ரணில் விக்ரமசிங்கே! – ranil wickramasinghe took oath as new prime minister of sri lanka today

பொருளாதார நெருக்கடி காரணமாக வெடித்த மக்கள் போராட்டத்தின் விளைவாக மகிந்த ராஜபக்சே தமது பிரதமர் பதவியை ராஜினாமா செய்துவிட்டு, உயிர் பிழைக்க இலங்கை கடற்படையினரிடம் தஞ்சம் புகுந்துள்ளார்.

இந்த நிலையில், நாட்டின் அரசியல் நிலையற்ற தன்மையை விரைவில் முடிவுக்கு கொண்டுவரும் நோக்கில் இந்த வாரத்துக்குள் புதிய பிரதமர் நியமிக்கப்படுவார் என்று அதிபர் கோத்தபய ராஜபக்சே நேற்று அறிவித்திருந்தார்.

பிரதமர் பதவிக் மூன்று பேரின் பெயர்களை 11 எதிர்க்கட்சிகளின் கூட்டமைப்பு பரிந்துரைத்திருந்த நிலையில், ரணில் பிரதமராக அதிக வாய்ப்புள்ளதாக தகவல்கள் வெளியாகின.

நாட்டில் நிலவும் பொருளாதார நெருக்கடி காரணமாக, பிரதமர் பதவிக்கான கோத்தபயவின் அழைப்பை ஏற்க பல்வேறு அரசியல் கட்சித் தலைவர்களும் தயக்கம் காட்டிவரும் நிலையில் சிங்கள, தமிழ், முஸ்லிம் எம்.பி.க்கள் பெரும்பாலானோரின் ஆதரவுடன் ரணில் விக்ரமசிங்கே இன்று மாலை பிரதமர் பொறுப்பை ஏற்பார் என்று இலங்கை அரசியல் வட்டாரங்கள் தெரிவித்திருந்தன.

யார் பிரதமர்? -முட்டி மோதும் ரணில், சஜித்!
இதனிடையே, திடீர் திருப்பமாக இலங்கையின் எதிர்க்கட்சித் தலைவர் சஜி்த் பிரேமதாசா, பிரதமர் பொறுப்பை ஏற்க தயார் என்று அதிரடி அறிிவித்திருந்தார். தமது இந்த விருப்பத்தை அதிபர் கோத்தபயவுக்கு கடிதம் மூலம் தெரிவித்திருந்த சஜித், குறுகிய காலத்துக்குள் கோத்தபய அதிபர் பதவியில் இருந்து விலக வேண்டும் என்பன உள்ளிட்ட நான்கு நிபந்தனைகளையும் விதித்திருந்தார்.

சஜித்தின் இந்த நிபந்தனையை அதிபர் கோத்தபய ஏற்க மறுத்ததையடுத்து, முன்பு திட்டமிட்டப்படி ரணில் விக்ரமசிங்கே இலங்கையின் புதிய பிரதமராக இன்று மாலை பொறுப்பேற்றுக் கொண்டாார். அவருடன் 15 பேர் கொண்ட அமைச்சரவையும் விரைவில் பொறுப்பேற்கும் என்று இலங்கை அதிபர் மாளிகை வட்டாரங்கள் தெரிவித்துள்ளன.

இலங்கையின் புதிய பிரதமர் யார்?- அதிபர் கோத்தபய முக்கிய அறிவிப்பு!
இலங்கை நாடாளுமன்றம் வரும் திங்கள்கிழமை ( மே 16) கூட உள்ள நிலையில். நாட்டின் பிரதமராக ரணில் இன்று பதவி ஏற்றுள்ளார். ஏற்கெனவே நான்கு முறை பிரதமராக இருந்துள்ள அனுபவம் ரணிலுக்கு உண்டென்றாலும், தேசம் கடும் பொருளாதார நெருக்கடியில சிக்கி தவித்து வரும் இக்கட்டான சூழலில் ஐந்தாவது முறையாக பிரதமர் பதவி ஏற்றுள்ள அவருக்கு நிறைய சவால்கள் காத்திருக்கின்றன.

நன்றி

Related posts

Leave a Comment