Sri Lanka New Prime Minister: யார் பிரதமர்? -முட்டி மோதும் ரணில், சஜித்! – tough fight between ranil wickramasinghe and sajith premadasa to capture sri lanka prime minister post

வரலாறு காணாத பொருளாதார நெருக்கடி சிக்கித் தவிக்கும் இலங்கையில் மக்கள் போராட்டம் வெடித்ததையடுத்து மகிந்த ராஜபக்சே தமது பிரதமர் பதவியை சில தினங்களுக்கு முன் ராஜினாமா செய்தார்.

போராட்டக்கார்ர்களின் பிடியில் இருந்து சிககாமல் இருக்க, உயிருக்கு பயந்து அவர் இலங்கை கடற்படையினரிடம் தஞ்சம் புகுந்துள்ளதாக கூறப்படும் நிலையில், நாட்டின் புதி.ய பிரதமர் யார் என்ற கேள்வி எழுந்துள்ளது.

இந்த கேள்விக்கு விடையளிக்கும் விதமாக, இந்த வாரத்துக்குள் புதிய பிரதமரும், அவருடன் சேர்த்து புதிய அமைச்சரவையும் நியமிக்கப்படுவார்கள் என்று அதிபர் கோத்தபய ராஜபக்சே நேற்று அறிவித்திருந்தார்.

பிரதமர் பதவிக்கு ரணில் விக்ரமசிங்கே உள்ளிட்ட மூன்று பேரின் பெயர்களை 11 எதிர்க்கட்சிகளின் கூட்டமைப்பு பரிந்துரைத்துள்ல நிலையில், ரணில் பிரதமராக அதிக வாய்ப்புள்ளதாக தகவல்கள் வெளியாகி உள்ளன.

இலங்கையின் புதிய பிரதமர் யார்?- அதிபர் கோத்தபய முக்கிய அறிவிப்பு!
நாட்டில் நிலவும் பொருளாதார நெருக்கடி காரணமாக, பிரதமர் பதவிக்கான கோத்தபயவின் அழைப்பை ஏற்க பல்வேறு அரசியல் கட்சித் தலைவர்களும் தயங்கி வரும் நிலையில், , சிங்கள, தமிழ், முஸ்லிம் எம்.பி.க்கள் பெரும்பாலானோரின் ஆதரவுடன் ரணில் விக்ரமசிங்கே இன்று மாலை பிரதமர் பொறுப்பை ஏற்பார் என்று இலங்கை அரசியல் வட்டாரங்கள் தெரிவித்திருந்தன.

இந்த நிவையில், பிரதமர் பதவி போட்டியில் திடீர் திருப்பமாக இலங்கையின் எதிர்க்கட்சித் தலைவர் சஜி்த் பிரேமதாசா, பிரதமர் பொறுப்பை ஏற்க தயார் என்று தெரிவித்துள்ளார். தமது இந்த விருப்பத்தை அதிபர் கோத்தபயவுக்கு கடிதம் மூலம் தெரிவித்துள்ள சஜித், குறுகிய காலத்துக்குள் கோத்தபய அதிபர் பதவியில் இருந்து விலக வேண்டும் என்பன உள்ளிட்ட நான்கு நிபந்தனைகளையும் விதித்துள்ளார்.

இலங்கையின் புதிய பிரதமர் ரணில் விக்ரமசிங்கே?
மகிந்த ராஜபக்சே பதவி விலகியதும், பிரதமர் பொறுப்பை ஏற்க வருமாறு கோத்தபய விடுத்த அழைப்பை நிராகரித்த சஜித், தற்போது ரணில் விக்ரமசிங்கே பிரதமப் பதவியை ஏற்க உள்ளதாக கூறப்படும் நிலையில், இதுதொடர்பாக சஜித் பிரேமதாசா அதிபருக்கு எழுதியுள்ள கடிதம் இலங்கை அரசியலில் பெரும் பரபரப்பை ஏற்படுத்தியுள்ளது.

நன்றி

Related posts

Leave a Comment